Kannada Lullaby Songs | kannada Lali Hadugalu - ಮಲಗೋ ಮಲಗೆನ್ನ ಮರಿಯೆ

Song- ಮಲಗೋ ಮಲಗೆನ್ನ ಮರಿಯೆ

 ಸಾಹಿತ್ಯ – ಎನ್.ಎಸ್. ಲಕ್ಷ್ಮೀನಾರಾಯಣ ಭಟ್ಟ

ಸಂಗೀತ – ಸುನೀತಾ ಚಂದ್ರಕುಮಾರ್

ಗಾಯನ – ಸುಲೋಚನ ವೆಂಕಟೀಶ್

=====================================================================

ಮಲಗೋ ಮಲಗೆನ್ನ ಮರಿಯೆ

ಬಣ್ಣದ ನವಿಲಿನ ಗರಿಯೆ,

ಎಲ್ಲಿಂದ ಬಂದೆ ಈ ಮನೆಗೆ

ನಂದನ ಇಳಿದಂತೆ ಬುವಿಗೆ?

ತಾವರೆದಳ ನಿನ್ನ ಕಣ್ಣು

ಕೆನ್ನೆ ಮಾವಿನ ಹಣ್ಣು,

ಸಣ್ಣ ತುಟಿಯ ಅಂದ

ಬಣ್ಣದ ಚಿಗುರಿಗು ಚಂದ,

ನಿದ್ದೆ ಮರುಳಲ್ಲಿ ನಗಲು

ಮಂಕಾಯ್ತು ಉರಿಯುವ ಹಗಲು!

ಒಲುಮೆ ಹರಸಿದ ಕಂದ

ಹುಣ್ಣಿಮೆ ದೇವಗು ಚಂದ,

ಬೆಳಕ ಕರೆವ ಅರುಣ

ನಿನ್ನ ನಗೆಯ ಕಿರಣ,

ಚೆಲುವಲ್ಲಿ ಸಾಟಿಯೆ ಕಾಮ?

ತಿಮ್ಮಪ್ಪನಿಗೂ ಮೂರು ನಾಮ!